Ferðin var dásamleg í alla staði með mörgum skemmtilegum samverustundum með góðu fólki í fallegu og framandi umhverfi. Innihald námskeiðs var skemmtilega fjölbreytt, stundum krefjandi, en ávallt gefandi. Námskeiðið er leitt mjög vel af færum leiðbeinendum, sem hafa ávallt bæði virðingu og kærleika að leiðarljósi. Gefin var líka tími fyrir hvíld og til þess að upplifa fjölbreytta menningu Marokkó. Namaste 🙏 - Rannveig Gylfadóttir

Dagskráin var frábær, tímarnir og námskeiðin dásamleg, skemmtileg og heilandi. Fullkomið allt saman. Staðsetningin frábær, maturinn dásamlegur og herbergið geggjað og allt umhverfið þarna inni og úti eins og í paradís. Fullkomin ferð á allan hátt. - Ingunn Ragna Arnarsdóttir

TÖFRABARNID / TÓNHEILUN - KUNDALINI / YIN YOGA - WEAVING MED RÖDD / ECSTATIC DANS - CACAO / HUGLEIDSLA

Vinirnir Kolbrún Ýr, Danni, Nikkó og Dóra hafa sett saman námskeið fyrir þá sem langar að leika sér meira, stækka andann með rödd, tónlist, hreyfingu og ævintýrum. Vekja sköpunarkraftinn með þvi að fara nær sjálfinu og líta hlæjandi út fyrir kassann. Á andlega ferðalaginu er áherslan skiljanlega oft á alvarleikann og þyngslin, okkur langar að vinna með leikgleði, vekja forvitnina og hreyfa þannig lífsorkuna. 

LEIDBEINENDUR ERU:

HALLDÓRA GEIRHARÐS LEIKKONA

Dóra, hefur starfað sem leikkona í 30 ár, prófessor við LHÍ í 6 ár og hefur mikla reynslu af spunaleik og samvinnu í hóp.  Hennar sjónarmið gengur alfarið út á það að öll stækkun sköpunarinnar fari fram í kærleika, töfrabarnið innra með þér þarf að finna til öryggis til að þora að sýna sig og fá hugrekki til að dansa eða flytja ljóð.

NICOLAS VÍSINDA- OG LEIÐSÖGUMAÐUR

Nikkó, hefur starfað sem leiðsögumaður og sem taugalífeðlisfræðingur við rannsóknir á svefni, Alzheimers og við segulörvun á framheila við meðferðarþrátt þunglyndi. Hann hefur haldið fyrirlestra um virkni heilans fyrir leikmenn og hefur lokið Reiki I og II og Gong-spilun I.

Hann bjó í Marokkó frá 4-5 árá aldri og lærði arabísku en er búinn að steingleyma öllu. ​​