Skíði í Austurríki | Heillandi Heimur

Skíðaferð til Saalbach Hinterglemm Austurríki

Saalbach Hinterglemm, Austurríki

1 - 8 mars 2025

7 dagar

Austuríki er algjör paradís þegar kemur að góðum skíðasvæðum. Saalbach Hinterglemm er eitt af þeim svæðum.

Svæðið býður upp á mikið úrval af brekkum við allra hæfi og gestir gefa Saalbach Hinterglemm 5 stjörnur (fullt hús stiga) fyrir "Aprés ski".

VERÐ KR. 383.900,-

á mann miðað við 2 fullorðna í herbergi

1/2 fæði innifalið, morgunverður og kvöldverður

Aukakostnaður vegna eins manns herbergis kr. 68.700,-

Fararstjóri í þessari ferð er Drífa Harðardóttir, skíðadrottning.

Drífa brosir breiðast í skíðabrekkunni með skemmtilegu og jákvæðu fólki. Leiðarljós hennar er að vera jákvæð og horfa björtum augum á tilveruna með bros á vör. Hún hefur starfað sem sölumaður í áratugi og alltaf lagt sig fram um að eiga góð og uppbyggjandi samskipti við fólk. Hún hefur frá unga aldri stundað útivist af mörgum toga og skipulagt og leitt ýmsar tegundir útivistar til fjölda ára.

Skíðamennska hennar hófst eins og hjá mörgum okkar í Bláfjöllum sem barn. Þar æfði hún fram á unglingsárin. Síðan hefur hún kynnst fjölda skíðastaða í Evrópu. Drífa leggur mikið upp úr því að allir fái að njóta sín í brekkunum og skipuleggur hvern dag með það í huga. Markmið hennar er að allir vakni með bros á vör og og tilbúin í slaginn og leggist brosandi til hvílu á kvöldin eftir góðan skíðadag.

Saalbach Hinterglemm er eitt af betri og stæstu skíðasvæðum í austrrísku ölpunum. 270 km af skíðabrekkum, gönguskíðasvæði og frábært úrval af börum og veitingastöðum í bænum og í brekkunum. Það eru fleiri en 60 veitingastaðir (mountain huts) á svæðinu Skicircus Saalbach Hinterglemm Leogang Fieberbrunn. Allir ættu því að geta fundið eitthvað við sitt hæfi.

Á síðum sem meta skíðasvæði um allan heim fær þetta skíðasvæði eftirfarandi mat:

Vant skíðafólk (intermediate) 4 stjörnur
Lengra komnir (expert) 5 stjörnur - fullt hús stiga
Byrjendur 4 stjörnur
Snjóbretti 5 stjörnur
Aprés ski 5 stjörnur

Sjá hér upplýsingar um skíðasvæðið

Pdf skjal yfir brekkur og lyftur er hér

Saalbach Hinterglemm er hluti af skíðasvæði Skicircus Saalbach Hinterglemm Leogang Fieberbrunn.

Samtals er að finna á þessu svæði

270 km af brekkum
70 skíðalyftur
12 svartar brekkur - 18 km

37 rauðar brekkur - 112 km
68 bláar brekkur - 140 km

Á svæðinu er líka 12 km gönguskíðasvæði.

Hótelið sem við gistum á, Hotel Saalbacher Hof, er 4ra stjörnu hótel og er hálft fæði, morgunverður og kvöldverður, innifalið. Hótelið býður upp á frábæra þjónustu, aðstöðu og staðsetningu.  Um 50 mtr eru frá hótelinu að skíðalyftunum og hótelið er í miðbæ Saalbach.

Í heilsulind hótelsins má finna upphitaða innisundlaug, 3 mismunandi gufuböð (sauna) og slökunarherbergi.