​

Dásemdarferð á grísku eyjuna Amorgos

Dekur, jóga, göngur, náttúra, yndislegur matur og gleði!

Nú ætlum við að skella okkur í aðra ferð til þessarar dásamlegu eyju Amorgos í Grikklandi.  Með okkur í för verður Eva María Jónsdóttur jógakennari.  Við ætlum að iðka jóga, ganga um dásamlega náttúru þessarar einstöku eyju, slaka á í sólinni og í heilsulindinni og síðast en ekki síst ætlum við að gleðjast saman.

Jógakennarinn Eva María Jónsdóttir hefur numið við skóla Kristbjargar Kristmundsdóttur og tekið námslotur víða um Ísland og í Bandaríkjunum.  Í janúar 2023 útskrifaðist hún úr 560 tíma námi í jógakennarafræðum. Eva lærði einnig að leiða Yoga Nidra hjá Kamini Desai við Integrative Amrit Institute, árið 2021.

Eva hefur haldið nokkur grunnnámskeið í jóga hjá Dans og jóga í Reykjavík. Hún hefur staðið fyrir morgunjógaiðkun á Grandanum í Reykjavík, kennt jóga hjá Dans og Jóga studio og einnig kennt á námskeiðum um gildi slökunarhugleiðslu í Lyfjafræðisafninu á Seltjarnarnesi undir nafninu Hvað gerist í jóga nidra?

Eva hefur áður dvalið á eyjunni Amorgos og stundað jóga í skjóli Aegelis hótelsins. Hún hefur umtalsverða reynslu af því að ganga um stórbrotna náttúru bæði heima og erlendis. Hún mun bjóða upp á morgunjóga hvern dag og slökunarstund fyrir kvöldmat þá daga sem dvalið er á Amorgos. Í huga Evu er fríið vel heppnað ef ferðalangar snúa til síns heima vel úthvíldir, glaðir og við góða heilsu.