Göngu- og menningarferð um Kent í Suður-Englandi

​

✨ Ævintýrið hefst 1. júní 2027með flugi með Icelandair til London Gatwick. 

​Kent er gjarnan kallað „garður Englands“ og ekki að ástæðulausu. Hér mætast grænar sveitir, hvítir kalkklettar, falleg strandþorp, sögulegar borgir og aldagömul menningararfleifð sem hefur mótað sögu Englands í árhundruð. 

​Í þessari notalegu göngu- og menningarferð upplifum við það besta sem Kent hefur upp á að bjóða. Við göngum eftir strandstígum með útsýni yfir Ermarsundið, heimsækjum kastala og dómkirkju, röltum um heillandi sjávarþorp, smökkum vín og bjór frá staðbundnum framleiðendum og njótum þess að ferðast á rólegum hraða þar sem tími gefst til að upplifa og njóta. 

​Við fylgjum hinum frægu hvítu klettum Dover, heimsækjum hinn sögufræga Dover-kastala, göngum um miðaldaborgina Canterbury og kynnumst sjávarstemningunni í Whitstable, sem er þekkt um allt England fyrir ostrur sínar og líflega hafnarmenningu. 

​Á leiðinni gefst þeim sem vilja einstakt tækifæri til að stinga tánni í Ermarsundið – eða jafnvel taka sundsprett í einu frægasta sundi heims.  Við munum svo heimsækja hina sögufrægu White Horse krá, þar sem þeir sem synt hafa Ermarsundið hafa skráð nafn sitt og dagsetningu á sundinu á veggi kráarinnar.

​Þetta er ferð fyrir þá sem vilja sameina fallegar göngur, menningu, sögu, góðan mat og einstaka stemningu ensku sveitanna. ​​

Fararstjórar í ferðinni

​

Rósa Halldórsdóttir.

Rósa er með víðtæka menntun sem kemur sér vel sem fararstjóri.  Hún er meðal annars leiðsögumaður, skyndihjálparkennari, sjúkraliði og höfuðbeina- og spjaldhryggjar meðferðaraðili.  

​

Harpa Einarsdóttir.

Harpa er eigandi ferðaskrifstofunnar og hefur verið með hópa í ferðum vítt og breytt um heiminn.​

Dagskrá ferðarinnar:

Dagur 1 – þriðjudagur 1. júní

​Flug með Icelandair frá Keflavík til London Gatwick 10:30 - 14:40.

​Við komuna til Englands tekur rúta á móti hópnum og ekið er til strandbæjarins Dover við suðausturströnd landsins. 

Eftir innritun á hótelið gefst tími til að slaka á eða kanna nærumhverfið áður en við hittumst öll saman í sameiginlegum kvöldverði og setjum tóninn fyrir komandi daga. 

​​​​​​​

Dagur 2 – miðvikudagur 2. júní

​Hvítu klettarnir í Dover.

​

​Við byrjum ferðina á einni fegurstu gönguleið Suður-Englands.  Gengið er frá Dover að St. Margaret's Bay eftir stígum sem liggja uppi á hinum heimsfrægu hvítu kalkklettum Dover. Útsýnið yfir Ermarsundið er stórkostlegt og á björtum degi má sjá strendur Frakklands handan hafsins. 

​Við komum við á hinum skemmtilega bar, Coastguard  og fáum okkur hressingu áður en haldið er áfram til St. Margaret þar sem við njótum hádegisverðar á hinum notalega The Smugglers Bar.  

​Eftir að við komum til baka á hótelið gefst þeim sem vilja einstakt tækifæri til að skella sér til sunds í Ermarsundinu. Fyrir marga verður það sérstök upplifun að synda í sama sundi og þúsundir sundgarpa hafa lagt undir sig í gegnum tíðina. 

​​Gönguvegalengd: um 9 km. 

Dagur 3 – fimmtudagur 3. júní​

Dover-kastali og Canterbury 

​

Við kveðjum Dover í dag en áður en haldið er áfram gefum við okkur góðan tíma til að skoða eitt merkasta virki Bretlands, Dover kastala (um 20 mín gangur). 

​Kastalinn hefur staðið vörð yfir ströndinni í nærri tvö þúsund ár og gegnt lykilhlutverki í sögu Englands. Hér má sjá miðaldakastala, neðanjarðargöng og sýningar sem tengjast síðari heimsstyrjöldinni. 

​Eftir heimsóknina stoppum við á The White Horse, þar sem við fáum okkur hressingu og njótum stemningarinnar. Kráin hefur lengi verið vinsæll viðkomustaður þeirra sem tengjast þessu fræga sundi og á veggjum hennar má finna nöfn og dagsetningar þeirra sem hafa synt yfir Ermarsundið. Að lokum göngum við yfir að Cullin yard þar sem við fáum okkur hádegisverð áður en ekið er til Canterbury. 

​

Við komum okkur fyrir á hótelinu og njótum frjáls tíma í þessari fallegu miðaldaborg. 

Dagur 4 – föstudagur 4. júní

​Gönguferð til Chartham og vínsmökkun 

​

​​Við göngum í gegnum hið friðsæla sveitalandslag Kent þar sem leiðin liggur yfir engi og akra eftir gömlum göngustígum. 

​Áfangastaður dagsins er þorpið Chartham.  Þar ætlum við að njóta hádegisverðar á veitingastaðnum Artichoke.

Eftir hádegisverð á hefðbundunni enskri sveitakrá heimsækjum við Chartham vineyards, mjög áhugaverðan vínræktarbúgarð. ​ Þar fáum við kynningu  og smökkun á vínunum þeirra áður en ekið er til baka að hótelinu í Canterbury.

Gönguvegalengd: um 7 km. 

Dagur 6– sunnudagur 6. júni

​Crab and Winkle Way til Whitstable 

​

​Í dag fylgjum við hinni vinsælu gönguleið Crab and Winkle Way, sem tengir Canterbury við strandbæinn Whitstable. 

Leiðin liggur um fallegt sveitalandslag áður en komið er niður að ströndinni og inn í einn mest heillandi hafnarbæ Kent. 

Whitstable er þekktur fyrir ostrurnar, sjávarrétti og afslappað andrúmsloft. Þar njótum við hádegisverðar á hinum sögufræga Wheelers Oyster Bar, sem margir telja einn notalegasta sjávarréttastað Englands. 

​Síðdegis gefst tími til að rölta um höfnina og njóta stemningarinnar áður en við tökum strætó aftur til Canterbury. 

Gönguvegalengd: um 14 km.