Hjól og skip Dóná 2027 | Heillandi Heimur

Heillandi heimur og FEB bjóða upp á hjól og siglingu á Dóná

30. apríl - 9. maí 2027

9 NÆTUR

ATH. lágmarksþátttaka eru 16 manns

Hjóla- og skemmtisigling eftir Dóná með Heillandi Heim í samstarfi við FEB

Þýskaland – Austurríki | 10 dagar | „Fljótandi hótel“

Upplifðu eina fegurstu hjólaleið Evrópu á einstakan hátt – þar sem hótelið þitt siglir með þér. Þessi ferð sameinar afslappaðar hjólaferðir niður meðfram grænum árbökkum Dónár, heillandi þorp, stórbrotna náttúru og menningarperlur í hjarta Evrópu.

✨ Ert þú tilbúin/n í ævintýrið?

VERÐ KR 435.850,- Á MANN MIÐAÐ VIÐ TVO Í HERBERGI, á efra þilfari og með rafmagnshjóli.

Senda þarf fyrirspurn á harpa@heillandiheimur.is ef óskað er eftir eins manns herbergi.

Upplýsingar um ferðina veitir Harpa - harpa@heillandiheimur.is

sími 8223890

Erfiðleikastig og kröfur:

.
Nauðsynlegt er að þátttakendur hafi reynslu af því að hjóla og hafi æft sig fyrir ferðina. Boðið er upp á rafmagnshjól.

Fararstjórar í ferðinni

Rósa Halldórsdóttir.

Rósa er með víðtæka menntun sem kemur sér vel sem fararstjóri. Hún er meðal annars leiðsögumaður, skyndihjálparkennari, sjúkraliði, jógakennari og höfuðbeina- og spjaldhryggjar meðferðaraðili.

Reynsla hennar og þekking kemur sér vel í starfi hennar sem fararstjóri.

Harpa Einarsdóttir.

Harpa Einarsdóttir hefur yfir 20 ára reynslu af skipulagningu hópferða um allan heim. Hún leggur áherslu á vandað skipulag og persónulega þjónustu. Í heilsu-/hreyfiferðum Heillandi Heims er lögð áhersla á að vera með litla hópa þar sem hreyfing, náttúra og góð upplifun fara saman. Markmið Hörpu er að hver ferð verði eftirminnileg, bæði fyrir hreyfinguna sem í þeim felst og þær upplifanir sem skapast á leiðinni.

att.enFOrFpd4v8unXsNioXZyB0iR750OrMX1o9BUeSN7jI.JPG

Hjól og sigling eftir Dóná frá Passau í Þýskalandi til Vínarborgar í Austurríki

✨ Ævintýrið hefst 30. apríl 2027 með flugi Icelandair til Munchen.

Stutt ferðalýsing:

30. apríl - flug með Icelandair Kef - Munchen 07:20 - 13:05.

Rúta frá Munchen til Haibach þar sem gist er í eina nótt.

1. maí - njótum dagsins á hótelinu, slökun í heilsulind hótelsins og/eða í gönguferð um nágrennið. Lagt af stað frá hótelinu um kl 15:00 til Engelhartszell og farið um borð í bátinn kl 16:00.

Frá 2. - 8. maí er siglt og hjólað meðfram Dóná um friðsæl þorp og stórkostlegt landslag, með viðkomu í meðal annars Aschach, Tulln og Linz.

Stoppað er heilan dag í Vín þar sem í boði er að hjóla um borgina, heimsækja sögufræga og fallega staði og njóta kaffihúsamenningarinnar. Frá Vínarborg liggur leiðin til baka til Engelhartszell um hið töfrandi Wachau-svæði með viðkomu í Melk Abbey, Grein og Mauthausen.

8. maí - komið til Engelhartszell og farið frá borði að morgni dags (um kl 09:30). Rúta til Munchen þar sem stoppað verður í 1 nótt. Dagurinn er frjáls til að skoða Munchen.

9. maí - flug með Icelandair Munchen - Kef 14:05 - 16:00.

Gisting 30. apríl - Riverresort Donauschlinge

Glæsilegt og notalegt hótel staðsett við hið stórbrotna náttúrufyrirbæri Schlögener Donauschlinge, þar sem Dóná myndar stórfenglega 180° bugðu. Hótelið sameinar ró, náttúrufegurð og þægindi og er kjörinn staður til slökunar eftir ferðadag og til að undirbúa hjólaferðina sem framundan er.

Á hótelinu er veitingastaður, vellíðunarsvæði með sundlaug og heilsulind, auk fallegs útsýnis yfir ána og umhverfið.

Gisting 1. - 8. maí - MS Prinzessin Katharina – fljótandi gisting

MS Prinzessin Katharina býður upp á hið fullkomna jafnvægi milli hreyfingar, slökunar og þæginda. Eftir dag á hjóli bíður þín hlýlegt og smekklega innréttað skip með framúrskarandi þjónustu, góðri matargerð og afslappaðri stemningu.

Um borð er panoramaveitingasalur, notaleg setustofa, bar, bókahorn, lítil verslun og nuddstofa. Á rúmgóðu sólþilfarinu er yndislegt að njóta útsýnisins yfir Dóná og láta líða úr sér.

Allir klefar eru bjartir með loftkælingu, sérbaðherbergi, sjónvarpi og litlum ísskáp. Á efra þilfari eru klefar með frönskum svölum sem hægt er að opna – fullkomið til að njóta landslagsins beint úr klefanum.

✨ Persónuleg þjónusta, klassískur glæsileiki og afslappað andrúmsloft – dag eftir dag.

Gisting 8. maí í Munchen

Áætluð koma til Munchen er upp úr hádegi þann 8. maí. Frjáls dagur í Munchen restina af deginum.

Tillaga að góðum degi í Munchen:

Byrja daginn á röltinu um gamla miðbæinn við Marienplatz, skoða Viktualienmarkt og njóta hádegisverðar á hefðbundnum bjórgarði. Síðdeginu er svo hægt að verja í Englischer Garten eða heimsækja BMW Welt og söfn borgarinnar. Það er svo frábært að ljúka deginum til dæmis með kvöldverði í Hofbräuhaus eða á notalegum veitingastað í Schwabing – fullkomin blanda af menningu, náttúru og lífsgleði.

VERÐ KR 435.850,- Á MANN MIÐAÐ VIÐ TVO Í HERBERGI, á efra þilfari og með rafmagnshjóli.

Senda þarf fyrirspurn á harpa@heillandiheimur.is ef óskað er eftir eins manns herbergi.

Innifalið í verði:

Flug með Icelandair til og frá Munchen
- 23 kg. farangursheimild
Akstur frá Munchen til Haiback
Gisting á hóteli í Haiback með morgunverði
Akstur frá Haiback að skipi
Gisting í eins eða tveggja manna klefa um borð
Drykkur við komu á skipið
Morgunverður alla daga
Á skipinu: 6 * hádegisverðarpakki (nesti), 6 * eftirmiðdagskaffi, 6 * 3ja rétta kvöldverðir og 1 * 3ja réttakveðjukvöldverður með einum drykk
Rafmagnshjól
Akstur frá skipi til Munchen
Gisting í 1 nótt í Munchen
Akstur að flugvelli
Íslensk fararstjórn

Ekki Innifalið í verði:

Ferðatryggingar (gott að vera með á hreinu hvað er innifalið í kreditkortatryggingum)
Drykkir með mat sem er innifalinn
Allar máltíðir sem ekki eru upp taldar hér að ofan
Allar tillögur að valkvæðum ferðum

Skilmálar:

Staðfestingargjald kr. 130.000,- greiðist við bókun
Eftirstöðvar greiðist eigi síðar en 10. mars
Allar greiðslur eru óendurkræfar
ATH að takmarkað magn er í boði af einstaklingsherbergjum og þarf að óska sérstaklega eftir þeim

UPPSELT SKRÁNING á biðlista

Erfiðleikastig og kröfur:

.
Nauðsynlegt er að þátttakendur hafi reynslu af því að hjóla og hafi æft sig fyrir ferðina. Boðið er upp á rafmagnshjól.

Nánari ferðalýsing

Dagur 1 – Haibach ob der Donau

Flug til Munchen og ekið að hótelinu í Haibach.

Dagur 2 – Engelhartszell

Slökun í heilsulind hótelsins í Haibach og/eða gönguferð um nágrennið. Um kl 15:00 er svo ekið til Engelhartszell þar sem
stigið er um borð í skipið um kl. 16:00. Gist um borð í bátnum.

Dagur 3 – Engelhartszell – Schlögener Danube Loop – Aschach (40–43 km)

Hjólað er niður meðfram Dóná í gegnum græn og friðsæl þorp. Mælt er með að smakka jurtalíkjörana frá Trappistaklaustrinu áður en lagt er af stað. Fyrsta daginn er hjólað frá Engelhartszell til Aschach um 43 km leið.
Á leiðinni er möguleiki á stuttri ferjusiglingu um hið stórbrotna náttúrufyrirbæri Schlögener Danube Loop, þar sem áin tekur snögga 180° beygju.
Siglt er frá Aschach til Linz og áfram til Tulln. Tækifæri gefst til að skoða Linz með hinni vinsælu City-Express lest.

Dagur 4 – Tulln – Vienna-Nussdorf (32–39 km)

Þennan dag er hjólað frá Tulln til Vín , um 39 km, í stórkostlegu landslagi. Klaustrið í Klosterneuburg Monastery blasir við úr fjarlægð.
Viðkomustaður í Kahlenbergerdorf býður upp á hefðbundnar vínkrár. Stutt ganga upp í vínekrurnar að Kahlenberg útsýnispallinum launar sig með stórkostlegu útsýni yfir Vín.

Dagur 5 – Vienna (hvíldardagur)

Dagurinn er tileinkaður Vínarborg. Hægt er að heimsækja Stefánskirkjuna, Hofburg-höllina, Ringstrasse, óperuhúsið og ráðhúsið.
Njóttu síðdegis í rólegheitum á klassísku kaffihúsi eða í göngutúr um borgina. Um kvöldið er siglt til Krems í Wachau-dalnum.

Dagur 6 – Krems – Melk (37 km)

Einn fegursti hjóladagur ferðarinnar. Leiðin liggur um hið heimsþekkta Wachau-svæði, frá Krems til Melk ca 37 km, með vínekrum, kastölum og sögufrægum þorpum.
Í Dürnstein blasir við blár barokkturn klausturkirkjunnar og í Melk Abbey rís hið glæsilega Benediktsklaustur yfir Dóná. Algjör hápunktur ferðarinnar.

Dagur 7– Melk – Grein (51 km)

Þennan dag er hjólað er um árengi, skóga og víðáttumikla dali Strudengau-svæðisins, frá Melk til Grein um ca 51 km. Þetta svæði þótti áður hættulegt siglingasvæði en er einstaklega fallegt.
Í Grein stendur Greinburg-kastali yfir bænum, elsti íbúðarkastali Austurríkis, sem hægt er að skoða með leiðsögn.

Dagur 8 – Grein – Mauthausen (36–40 km) | Sigling til Engelhartszell

Síðasta hjóladaginn liggur leiðin um sléttlendi Machland-svæðisins, frá Grein til Mathausen um 40 km. Viðkomu er hægt að gera í keltneska þorpinu Mitterkirchen.
Í Mauthausen er mælt með heimsókn á minningarstað fyrrum fangabúða – stað kyrrðar og íhugunar.
Um kvöldið er hátíðlegur kveðjukvöldverður um borð og siglt er til Engelhartszell.