Las Madrigueras er 5* Boutique golfhótel staðsett á fallegum stað á Tenerife á Spáni. Á hótelinu eru 44 superior herbergi sem eru einstaklega rúmgóð og falleg. Frá hótelinu geta gestir notið útsýnisins yfir golfvöllinn Las Americas og eyjuna Gomera. Boðið er upp á framúrskarandi þjónustu og fyrsta flokks þægindi. 

Glæsileg heilsulind er á hótelinu þar sem meðal annars má finna tyrkneskt bað, gufubað og heita potta. Einnig er  boðið upp á úrval meðferða eins og nudd, andlitsböð ofl. 

Það eru tveir veitingastaðir á Las Madrigueras hótelinu, Bogey og Belle Vue Terrace. Belle Vue Terrace býður upp á létta rétti í hádeginu og á Bogey er morgunverðarhlaðborð og  „à la carte“ á kvöldin. Á píanóbarnum og við sundlaugina má svo fá sér kokteil þar sem gestir geta notið stemmningarinnar og slakað á eftir góðan golfdag.

Herbergisþjónusta er í boði allan sólarhringinn. 

Golfvöllurinn, Golf Las Américas, er 18 holu keppnisgolfvöllur par 72 með fjölda vatna, vatnsfylltra gilja og sandgryfja. Mikill metnaður og fagmennska er lögð í viðhald á vellinum og hafa mörg spænsk meistaramót farið fram á vellinum.