Hreyfing - vinnustofur - slökun - náttúra - skoðunarferðir

 

Endurnærandi ferð til Tenerife þar sem Sara Barðdal leiðir sjálfsrækt, hugleiðslu og hreyfingu. Hún verður einnig með vinnustofur um breytingar og forgangsröðun, sjálfsumhyggju, sjálfsmynd/sjálfstraust og sjálfstal.

​

Boðið verður upp á spennandi skoðunarferðir í Teide þjóðgarðinn, Masca dalinn og Teno fjöllin ásamt heimsókn á banana plantekru. Þess á milli gefst þátttakendum tími til þess að njóta alls þess besta sem Costa Adeje á Tenerife hefur uppá að bjóða. Í þessari ferð ætlum við að setja okkur sjálf í forgang og næra líkama og sál.

​

Sara hefur hjálpað fólki að breyta um lífsstíl síðan 2014 þar sem hún leggur mikla áherslu á að vinna með huga, líkama og sál. Síðustu ár hefur hún lagt enn meiri áherslu á andlega heilsu, sjálfsumhyggju, tilfinningavinnu og heilun á áföllum í fortíðinni. Sara hefur persónulega reynslu af að hafa strögglað með heilbrigðan lífsstíl og verið föst í yoyo megrunarkúrum. Hún hefur gengið í gegnum missi og sorg og fundið innri sátt við fortíðina, ásamt því að hafa unnið sig út úr langtíma streituástandi. Sara er ÍAK einkaþjálfari og heilsumarkþjálfi. Hún hefur sótt ótal námskeiða og fyrirlestra sem tengjast persónulegri uppbyggingu og dýpri tenging á sjálfinu. Hún hefur sótt 200 klst YIN fascia yoga nám og klárað 300 klst Yoga Psyche Soul nám sem leggur áherslu á andlega umbreytingu, skuggavinnu og að sameina vestræna sálfræði með austrænum Yoga fræðum.

​

Ýtarlegri dagskrá og nánari upplýsingar má finna hér að neðan í ferðaáætlun.

​

Gisting 

Flamengo Beach Mate**** er mjög vel staðsett hótel á Costa Adeje, Tenerife og með frábært útsýni. Hótelið er rétt fyrir framan ströndina Pinta og stutt er að ganga á bestu strendur Costa Adeje, Fañabé og El Duque.